Hæhæ öll sömul.  Nú er sko heldur betur letin í mér í vor.  Mér er alltaf svo kalt því það hitnar ekkert í lofti úti ;/  Sólin hér hefur verið með minnsta móti í mai.  

.. á leiðinni, svo segir veðurspáin.

Já nú er sko komið að því að spýta ærlega í...  Framundan er mikið að gera og ef ég ætla mér að hafa nóg af lopapeysum á borðinu í Drymlu fyrir ferðamenn þá verður sko setið við. Ásta gerir flottar Jakkapeysur  sem hún prjónar fram og til baka en ég heilar og nú vantar rennilásapeysur hjá okkur og ég er í tilraunum og er að prjóna heila peysu með litlum sjalkraga.  

Katrín og Co. komu í heimsókn vestur fyrir 3 vikum og nú loks setti ég inn myndir frá þeirri komu.  Voða gaman hjá okkur og bara nóg að gera alla daga.

Hæhæ, allir ættingjar og vinir. 
´Eg er ennþá heimavinnandi því ekki er nein vinna í boði fyrir kellur á mínum aldri hér.  Svo til að vera ekki með neinn "bölmóð" eins og  Velferðarráðherra vor nefnir svo oft í sinni umfjöllun um stjórnmálin, þá reyni ég eins og ég get að dunda eitthvað við að prjóna eða sauma eða í sjálfboðastarf.  Það kemur nú lítið inn fyrir það en sköpunargleðin fær útrás.
 
Palli minn er á sjó þegar viðrar og/eða leigukvótinn er á viðunnandi verði.  Það þýðir að ekki þurfi að borga með aflanum.  Stundum þurfa sjómenn nefnilega að borga olíuna ef verð aflans er ekki hagstætt, þá er innkoman í mínus.  Þetta kemur hvergi fram í umræðunni um kvótamálin.
 
Katrín og Steini koma vestur á miðvikudaginn og Tvíburarnir líka.   Hlakka mikið til.

Helgi var á Patró á helginni.  Hann fylgdi Ingu Rós og guttanum hennar vestur og fóru þau með Baldri yfir Breiðafjörðinn.  Allt gekk vel og hann fór sömu leið til baka í gær, sunnud. og lendir í snjókomu og skafrenningi í Borgarfirði og alla leið að Hvalfjarðargöngum.  Fyndið
Iðulega keyrum við út úr svona veðri þegar við förum að vestan og inn í bjartviðri en svona skiptist þetta.

Bestu kv. þangað til eftir helgina.  Set inn myndir þa´.
Dísa

..þeir sem þurfa að búa við hann. Ég sem eiginkona Sjómanns til 32 ára  hef nánast í öll þessi ár verið kvíðin yfir hverri sjóferð sem minn maður hefur farið í.  Ég reyni að líta fram hjá þessu svo hægt sé að "lifa", en þegar börnin okkar voru lítil þá stóð mér oft á tíðum ekki á sama og vildi að hann væri heima. 
Þannig er að það er ekki hægt að vera sjómaður við fiskveiðar hér við íslandsstrendur, öðruvísi en að hafa/eiga kvóta.
Það skondnasta sem er er að stjórnmálamenn, margir hverjir, og aðrir landsmenn, vilja taka kvótann af mönnum sem hafa farið eftir þessum reglum og lögum sem sett voru á á sínum tíma.  Sjómenn voru skikkaðir til að stunda sjóinn mjög stíft ári áður en kerfið var sett á laggirnar ef þeir ætluðu að komast inn í þetta kerfi og fóru menn í nánast öllum veðrum til að sækja sér björg í bú og til að skaffa atvinnu í landi, vegna þess að það taldi hvað menn veiddu mörg tonn, út á það gekk úthlutunin. 
Mönnum var síðan skammtað hvað þeir máttu veiða mikið og ekki nóg með það heldur ef þeir veiddu skammtinn sinn á 6 mán. þá var enga vinnu að hafa restina af fiskveiðiárinu og ef þeir veiddu of mikið var tekið af þeim aflinn og veiðafæri + sekt. Hvað er rangt við þetta?
Mér þætti gaman að vita hvernig þessu fólki fyndist ef því væri skamtað lífsviðurværi.  Vinna í 6-7 mán. og engin innkoma restina af árinu.
Við þurfum miklu betri stjórnun á þessu öllu.  Það þarfa að skipuleggja þetta á þann hátt að hægt sé að koma með dýrmæta afurð að landi og vinna hana hér heima áður en hún er flutt á erlendann markað og skapa mikil verðmæti fyrir allt þjóðarbúið.  Það eru nefnilega svo margir sem koma að þessu ferli, það eru ekki bara sjómennirnir sem veiða fiskinn. Það eru Hafnarvogir (hringin í kring um landið), Slægingarstöðvar(fiskurinn slægður), Frystihús/Fiskmarkaðir (fiskurinn unninn eða seldur)  Flutningamiðstöðvar (bílar sem flytja fiskinn) Flugvélar/skip ( fiskur fluttur erlendis) Flutningamiðstöðvar(sem okkur kemur kanski ekki við erlendis). Þetta er ekki allt því svo er hin hliðin, það eru bankar og lánastofnanir, tryggingafélög, Verslanir með vinnufatnað, Skrifstofustörf, ræstistörf og svo margt, margt fleira að ef kvótanum væri kippt bara sisvona af útgerðum þá yrðu væntanlega einhverjir af ofantöldu atvinnulausir.

Jæja ég er búin að rausa nóg í bili.
En Munið eftir að sjást (endurskyn) og að gefa stefnuljós
Bestu kveðjur og passið ykkur í myrkrinu
kv. Dísa

Hvað er það sem gerir það að verkum að við erum svona húkkt af handbolta????
Ég horfi alla jafnan ekki á íslenskan handbolta lengur en ég fylgist alltaf með þegar landsliðið er að keppa og ég verð að fara frá sjónvarpinu ef eitthvað gengur ekki upp, að ég tali nú ekki um þegar leikurinn breytist í dómaraleik og við fáum ekki að vera með í honum.  Ég veit svosem að þeir sjá ekki það sem við sjáum í sjónvarpi en þegar leikir fá ekki að fljóta áfram vegna einhvers sem engin er alveg með á , þá finnst mér of langt gengið...... og verð ill.  Svona er þetta bara og svo fjarar það út fram að næsta leik.

Bestu kveðjur
og í öllum bænum munið eftir endurskinsmerkjunum nú í dimmasta skammdeginu svo við sjáumst.
Kv. Dísa